26 красавіка 2025 года прадстаўнікі ўлады, работнікі працоўных калектываў, моладзь сабраліся каля памятнага знака адселеным вёскам Добрушскага раёна для ўдзелу ў мітынгу «Чарнобыль. Захоўваючы памяць», прысвечаным 39-й гадавіне аварыі на Чарнобыльскай АЭС.
Гэтая дата застаецца сімвалам мужнасці, смутку і напамінам аб неабходнасці адказнага стаўлення да ядзернай бяспекі.
Катастрофа закранула кожнага пятага беларуса, а гераізм ліквідатараў прадухіліў яшчэ большыя наступствы. Праз 39 гадоў Беларусь шануе подзвіг ліквідатараў і працягвае працу па аднаўленні пацярпелых рэгіёнаў.
«За 39 гадоў Беларусь правяла маштабную працу па рэабілітацыі пацярпелых тэрыторый: будаўніцтва дарог, школ, газіфікацыя пасёлкаў».
«З 1990 года ў Беларусі рэалізавана 6 дзяржаўных праграм па пераадоленні наступстваў катастрофы, уключаючы медыцынскую дапамогу і сацыяльную абарону пацярпелых».
Няхай у нашых сэрцах жыве памяць, а на зямлі ніколі не паўторыцца падобная катастрофа.
