ДОБРУШЧЫНА ПАМЯТАЕ
– Калі пачалася Вялікая Айчынная вайна, наш народ стаў на абарону сваёй Айчыны. І гэтыя дні – дні святыя, мы павінны памятаць пра іх і ніколі не выкрэсліваць са сваёй гісторыі. Подзвіг савецкага салдата, нашых дзядоў і прадзедаў, якія сталі на абарону нашай роднай зямлі, нельга забываць. Гэтую памяць трэба перадаваць з пакалення ў пакаленне, – адзначыў на мітынгу-рэквіеме каля брацкай магілы воінаў і партызан старшыня райвыканкама Аляксандр Горбач.
Вялікая Айчынная вайна, якая забрала тысячы жыццяў, пакінула вечны след у нашых сэрцах і душах…
На заканчэнне мітынгу кіраўніцтва раёна, святары, ветэраны працы, моладзь, прадстаўнікі працоўных калектываў і грамадскіх арганізацый усклалі жывыя кветкі да падножжа помніка.
Полымя, якое не згасае: у перадсвітальную гадзіну ў Добрушы запаліліся сотні агеньчыкаў.
Гэта не проста свечкі, а жывыя сімвалы памяці, калектыўнае «Я памятаю» цэлага народа.
Маладзёжная акцыя «Ніхто не забыты, нішто не забыта» – неад'емная частка Дня ўсенароднай памяці ахвяр Вялікай Айчыннай вайны і генацыду беларускага народа.
Кожны агеньчык – гэта візуалізацыя аднаго чалавечага жыцця, трагічна абарванай вайной.
